Justin Bieber nih Tom Cruise cu UFC zuamnak ah i vuak dingin Challenge a tuah

A luancia Sunday ni lio ah vawlei cung hlasak minthang Justin Bieber nih amah i Twitter account ah Tom Cruise he UFC zuamnak ah i vuak ding in challenge a tuah tiah theih a si. Kum 25 a si mi JB nih kum 56 a si cang mi actor minthang Tom Cruise cu tubantuk challenge a tuah mi cu mipi lung a hlauh khun ko. JB zong a lung a tho tuk tiah theih a si.


Amah nih a hman mi Twitter account ah challeng a tuah nak post zong mipi hmuh dingin a rak langhter. Mah a post mi cu UFC star feather weighte le lightweight champion pakhat a simi Conor Mc Gregor nih presenter kan tuan piak hna lai tiah thawng a rak thanh ve. Mc nih a langhter mi post cu mipi lei nih share tamtuk an rak tuah tiah theih a si.
Tubantuk in challenge tuah a tongmi Tom Cruise nih cun lehrulhnak a tuah rih lo.

An pahnih i zuam tak hna seh law ho nih dah a tei lai tiah nan ruah cio. Mc Gregor nih a post mi ah Tom Cruise nih movie a thlak mi bantuk chungin a thua kho lai maw tiah a tial. Tom Cruise cu a luancia kum lio i Mission Impossible 6 movie a thlak nak ah fak ngai in a ke a khawng tiah theih a si. JB le Tom Cruise cu an i vua tak te lai maw ti cu mipi lung a kan hlauh khun ko.


Ref:Daily Mail Celebrity

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !