Nu Si Hi A Fawi Lo Ning, Zaangfak Bak An Si Ve

Nu pakhat si ning” A lungthin cu hringtu a nu le pa caah, A pum cu a pasal caah, A caan vialte a fale caah, Amah caah cun a mithmai a tarmi le a thabat lawng a tang. Aa dawh tuk zongah a caah ral a si, a muichiat tuk ah le mi nih zeihmanh ah rel a si fawn lo, Lungthiang tuk in bia a chim phutmat ah mi molh ah ruah a si, a bia holh a tlawm ah le komh a nuam lo ti a si, amah lawng a um ah le mi duh a tong lo ti a si, Pasal a ngeih ah le a zalonnak vialte a sung dih.

Image result for Family Life Mother

A pasal aa dawhtuk sual a si ahcun midang ca ah a cang khomi a si, Aa dawh lo a si ahcun a mit sang lo ti a si fawn, Fa ngeih a duh lo ahcun nu tling a si lo tiah ceihphai a tong, Fa a ngeih ah le a baa cem cu amah a si fawn.

Image result for Family Life Mother

Leng chuak in rian a va ttuan ah inn rian a tei lo leng chuah lawng a duh tiah ceihphai ton a si, Phaisa a kawl lo ah le santlaihnak pakhat hmanh a ngei lo a pasal lawng aa bochan tiah ceihphai lengmang a si thotho.

Image result for Family Life Mother

Aa ttamh nalh deuh ah nungak a thiam tiin kongceih a tong, Aa ttamh nalh lo ah le nu nih aa thianhhlimh lo aa filhhnuamh a thathu tuk tiah kong ceih a tong tthan. Hawikom a ngeih lo ah cun a lungrawh caan ah a lungchung bia va chimh ding minung a ngei lo, Hawikom tam deuh a ngeih ah le tlaihrep a ngei lo tiin kong ceih a tong thotho.

Image result for Family Life Mother

Vawlei cung i nu si hi amah nih a ngeih mi caan a um lo, Nu si hi pa si nak in a har in a har deuh hrimhrim, Pumrua zohnak ah cun nu hi thazang a dermi tiah ruah an si ko nain, Temh in nak harnak hna hi pa nak in an tuar i, an tuar kho deuh tawn.

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !