Messi le Ronaldo chan dih hnu ah Ballon d’Or laksawng a la ding zaanglek min cu Drogba a chim

Messi le Ronaldo cu kum 10 chung pumpululh zaanglek zuamnak ah siangpahrang a tuan cuahmah mi an si. Cun laksawng kip zong an mah pahnih nih tu le tu an lak peng cu kan theih cio mi a si. Messi le Ronaldo cu zungzal caah a thabik zaanglek an si pin ah an zaka a chang kho tu ding zaanglek zong an um theng lo. Pakhat le pakhat an i zuamcawhnak thawng in Ballon d’Or laksawng zong voi 5 veve tiang a la kho mi an si.


Pumpululh zaanglek le tecelhnak ah zaanglek thatha tampi an um nain Messi le Ronaldo chan a dih hnu cun pumpululh zaanglen tecelh nak zong zei maw zat cu a ro car te lai ding cu a fiangngaimi zong a si. Chelse zaanglek hlun a si mi Drogba nih Ronaldo le Messi chan a dih hnu ah an zaka a chawng kho tu ding zaanglek min cu tubantuk in a rak chim.

“Neymar le M.Bappe cu nikhatkhat ah Ballon d’Or laksawng a lak te lai. An nih cu Ballon d’Or laksawng a la kho ding zaanglek zeimaw zat ah a tel mi an si.  Vawlei cung a thabik zaanglek pawl zong an si. An pahnih cu khuaruahhar zaanglek an si. Neymar cu a skill a tha tuk mi a si. M.Bappe zong goal thun a thiam tuk mi a si. An pahnih hmunkhat ah an i celh ti cu zoh a nuam i khuaruahhar zong an si” tiah a chim.


Ref:Sportbible

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !