Messi le Ronaldo ah hodah a uar deuh timi cu Vanpersie nih fiangtein a chim

Messi le Ronaldo ah Vanpasi nih a thimmi cu mipi lung a la khun ko. Messi le Ronaldo cu pumpululh tuanbia ah zungzal caah a thabik zaanglek tiah mipi nih kan cohlan cio mi zong a si.  Messi le Ronaldo ah hodah a thadeuh timi cu tutiang ah ho hmanh nih fiang tein an chim kho rih lo. Mah lei uarmi cio ningin rak chim cio cu a si.


Vawlei cungmipi kar lak zong ah Ronaldo le Messi kar ah kan hmuh ning zong kan i dang cio. Ronaldo a uarmi kan um bantuk in Messi a uarmi zaanglek zong an rak um. Arsenal le United hmaikal hlun a rak si mi Vanpersie nih Messi le Ronaldo ah hodah a uardeuh timi kong ah a hmuhning cu tubantuk in a rak chim. Vanpersie nih a thimmi cu Messi hi a si.


“An pahnih cu khuaruahhar an si ko. An nih cu kum 1o chung ah zei tluk in dah an thli tuah mi a that ti cu kan theih cio mi a si. An pahnih thim cu ei din thim bantuk a si. Cheukhat nih Sushi an duh. Cheukhat nih Moroccan food an duh. Pakhat le pakhat an duh mi cu a dang. Kei cu Messi ka uar deuh. Messi cu khuaruahhar zaanglek a si. Ronaldo zong khuaruahhar a si. Sihmanhseh kei cu Messi a celh mi zoh ka duh deuh. Messi a celh ning cu zoh a nuam tuk mipi mit zong a kan lak khun” tiah Vanpersie nih fiangtein a chim.


Ref:sportbible

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !