Champion League zuamnak ah Ronaldo nih a ngeih mi record cu khuaruahhar a si ko

Portugal le Juventus hmaikal Cristiano Ronaldo cu UCL Man tiah mipi nih cohlan mi zong a si. Champions League laksawng zong voi 5 tiang a la kho mi a si pin ah Champion Leauge tuanbia ah champion a la kho bik zaanglek zong a si. A luancia Liverkusin he puai zong ah Ronaldo nih Juventus caah goal 1 a thun khawh caah tubantuk in Champions League ah record thar a tial than khawh nak cu a si.


Juventus le Liverkusin zuamnak puai ah Juventus nih goal 3 in an rak tei hna.Mah puai ah Ronaldo zong record thar a hmu than. Ronaldo cu Champions Leauge ah puai(102) tiang a celh mi zaanglek a si ve cang. Spain goal bawh hlun a si mi Casilas nih a ngeih mi record cu lonh in Champions League ah teinak tambik a hmumi zaanglek a rak si tiah theih a si.


Liverkusin he puai i goal a thun hnu ah Champions League ah Roanldo nih goal a thun khawh mi club(33) tiang a rak phan cang tiah theih asi. Cucaah Ronaldo cu Real zaanglek hlun a si mi Casilas he an record a tluk tiah theih a si.Cun Ronaldo cu Champions League zuamnak ah kum 14 tiang pehtlai in goal a thun kho mi zaanglek a si caah amah i zuam cawhtu tha Messi he an record ah an um ti tiah theih a si. Champions League zong voi 5 tiang a la kho mi Ronaldo cu Champions Leauge zuam nak ah King kan ti ah cun kan palh theng lai lo.


Ref:Sportbible

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !