Zohchuntlak a si mi Lionel Messi lungput le sining (4)

Messi cu Pumpululh celhtual chung lawng ah mipi nih uar mi a si lo. Lenglei nunzia zong ah mipi nih an i zohchun mi le an uar taktak mi zaanglek a si.  A lungput zong a tha i mizawnruah nak lungput a ngeih caah mipi nih an uar khunnak cu a si. Cucaah Messi a huami mipi hmanh nih an thangthat mi Messi a tuahsernak pawl cu a tanglei ah kan rak langhter.


Pently chuih dingin a rak el


Tukum kumhram thok lei ah thil a rak cangmi ah Messi i upat tlak a si mi a lungput cu nan theih cio ko lai. Vellatcano he puai ah thil a cangmi cu a si. Mah puai ah Messi cu hnukham pakhat nih Pently Area chung ah a rak foul. Cucaah reffee nih Pently a rak pek. Sihmanhseh Messi nih a rak el i Pently cu chuih lo in a rak um. Mah a lungput le a tuahsernak cu mipi nih an thangthat nak cu a si.
Zuamcawh tu zaanglek cung ah Zawnruahnak a ngei


2015 kum ah Barcelona le Roma an rak i zuamnak Champions League zuamnak ah Messi i upat tlak a lungput cu kan rak langhter.Mah puai ah Suarez nih goal a rak thun i nuamtak in zaanglek dang pawl caan an hman lio ah Messi cu hliamhma a tongmi Roma zaanglek pakhat cu a rak hnemh tiah theih a si.
Celhti hawi le caah zawnruahnak a ngei


2015 kum ah thil a cangmi pakhat a rak um. Mah kum ah Messi le Ronaldo cu Sui kedenh caah goal thun an i zuam lio a si. Laliga zuamnak puai pakhat ah Barcelona nih Neymar ruang ah Pently cu an rak hmu. Mah lio caan ah Messi cu goal 2 a rak thun khawh cang. Sihmanhseh Messi nih pently cu a rak chuih ahcun Hat-trick a rak hmu kho ding zong a si i Ronaldo cu a rak tei ding a si. Sihmanhseh Messi nih pently cu Neymar a rak chuih ter. Tubantuk thil a cangmi cu Messi caah khuaruahhar cu a silem ti lo tu le tu a tuah pengmi zong a si.


Dawtnak lungput a ngei


Barcelona le Uruguai an rak i zuam 2018 World Cup zuamnak ah Messi te an i thumhnak Hotel ah hngakchia pakhat nih Messi hmuhton a duh tuk caah mipi karlak in a rak tli. Security nih hngakchia pa cu an rak khenkham. Cucu Messi nih a hmuhtik ah hngakchia pa te cu a sinah a rat ter i Hman a rak thlak pi tiah theih a si. Tubantuk zohdawh mi le duhnung mi lungput a ngeih caah Messi cu mipi nih an uarkhunnak cu a si.
Ref:Oh My goal

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !