Lionel Messi kong he pehtlai in a lungchung umbia cu Ronaldo nih tubantuk in a chim

Cristiano Ronaldo nih a zuamcawh tu thabik a si mi Linoel Messi kong he pehtlai in a lungchung ummi bia cu fiang tein a chim. Messi le Ronaldo cu 21 century ah a thabik zaanglek tiah mipi nih cohlan mi an si. Ballon d’Or laksawng zong voi 5 veve a la kho mi an si.An pahnih cu pumpululh tuanbia ah teinak tampi a hmubik zaanglek zong an si.


Pakhat le pakhat an i zuamcawhnak thawng in tubantuk dirhmun sang ah an phak nak zong a si. Cun an pahnih karlak ah pakhat le pakhat i zawmtaih nak i rem lonak le i huat nak zong a um lo mi cu mipi nih kan theih mi a si. Tutan zong ah Ronaldo nih Messi ruang ah tubantuk dirhmun ka phaknak a si tiah fiang tein a rak chim.


“Kan pahnih cu pakhat le pakhat kan i zuam cawhnak thawng in a thabik dirhmun ah kan phaknak a si tiah a kan chim. Spain ah kan i zuamnak nih tampi a kan thancho ter. United ah ka um lio nak in Madrid ah kan i zuam cawhnak cu a tha deuh. Kei mah le Messi cu kan mah le kan club cio i icon kan si. Kan hnu lei caan zong ah amah nih a ka ngaih nak kong a rak chim zong ka theih. Messi ruang ah kei mah zong a tha deuhmi zaanglek dirhmun ka rak i chuahnak a si” tiah Ronaldo nih a chim.


Ref;Sport bible

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !