Messi le Ronaldo an i thlaunak bik cu Tevez nih fiang tein a chim

Portugal hmaikal minthang Cristiano Ronaldo le Argentina hmaikal minthang Lionel Messi an i dannak bik cu Tevez nih tubantuk in a rak chim. Tevez cu Messi le Ronaldo he hmunkhat ah a celh ti bal mi zaanglek zong a si. Messi le Ronaldo cu 21 Century ah a thabik zaanglek tiah mipi nih cohlan mi an si. Ballon d’Or laksawng zong voi 5 tiang a la kho mi an si. Cun pakhat le pakhat i zuamcawhnak thawng in tubantuk dirhmun an phak nak zong a si.


Messi le Ronaldo ah hodah thadeuh timi zong tulio mipi nih a chim an i harhngaimi zong a si. Pumpululh lei thiamsang pawl le minthang zaanglek pawl nih an uar deuh mi zaanglek kong cu an rak chim cio theu tawn. An pahnih bantuk zaanglek zong a ralaimi caan ah hmuh ding a fawi ti lo dingmi an si. Tutan zong ah Messi le Ronaldo he a celh ti bal mi Tevez nih an pahnih Training an tuah ning cu tubantuk in a rak chim.


“Cristiano Ronaldo cu a caan tamdeuh hi Gym ah caan a hmang mi a si. Kan nih zeing lei 9 ah training tuah caan paoh ah sml 8 tluk ah a phan pengmi zaanglek a si. Kan nih sml 7 tluk kan phak caan zong ah a nih cu a rak phan chung cang. Cun nikhat cu amah hlan tuan deuh in sml 6 tluk ah ka rak kal. Sihmanhseh Ronaldo cu a rak phan chung cang. Messi tucu thadam tein a ummi a si. A pahrang hrim a si. Cun amah caah nifatin a tuah tuan sawh pengmi a lo. Cun Messi cu training tuahnak ah Free kick in zei tin dah goal ka thun khawh lai tiah a cawngpengmi zaanglek a si” tiah Tevez nih a chim.


Ref:Sportbible

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !