Pathian he an tahchun mi kong ah Messi nih a lehthan mi cu uar um taktak

Argentina le Barcelona hmaikal Lionel Messi nih “God” tiah an tahchun mi kong he pehtlai in a lungchung ummi bia cu tubantuk in a rak chim. Ballon d’Or laksawng (5) tiang a hmu cangmi Messi cu pumpululh tuanbia ah zungzal ca a thabik zaanglek kan ti cu kan palh theng lai lo. Messi bawlung a celh mi zoh cu mipi lung a la khunmi zong a si.


Messi cu pumpululh tuanbia ah a thilti khawhnak a mak tuk caah mipi nih ‘God’ tiah an tah chun nak cu a si. Sihmanhseh tubantuk an tahchun mi cung ah Messi nih a lungchung umbia cu a rak chim. Pathian he an tahchunmi cu Messi nih a rak duh lo. Mipi nih an thangthat mi cung ah a lawm ko lai nain tubantuk tahchun a duh lo nak kong cu Messi nih fiangtein a rak chim.


“Tubantuk na kan tahchunmi cung ah ka lung a tling lo. Mipi nih na kan thangthat cu ka lunghmuih tuk. An mah nih cun lungthian tein a kan tahchunmi a si nain a tak ahcun a tha lo. Cucu a hlei in a kan thangthat cu a si” tiah Messi nih a chim. Cucaah Messi zeitluk in dah a toidaw ti cu a thinlung nih tubantuk in a rak langhter.


Ref:Sportbible

About the Author

CHIN TECH
CHIN IT Website cu Laimi Computer , Phone ah Hman Khawh mi App/Games le Cawnnak tete chiahnak ah tuah mi a si , Ka Palhnak a um sual ah cun Comment in chim rel khawh a si , Kan Hawi le Sin ah Share in Ka Bawm Peng uh tiah kan sawm hna !