Ngasa cu a phunphun in chuan khawh si , cu chung ahcun ngasa le reite pawng le chuan ning kan van langh ter .

A herh mi

Sapalin tom (1)

Aithing tlawmpal

Thakbare hring tam nawn in

Hamhmuai tom (1)

Phet Phe tom (1)

Khamphe tom khat

reite pum (1)

Khachuanrang tlawmpal

Nga pumkhat

A tuah ning

A hmasa ah tisa na khin lai. Bel chung ahcun penganpiazi keu (3) , sialaka zi keu 2, cite tlawmpal , sapalin hna kha na paih lai i na tlok ter lai . Nga cu a paw khuai , chungril pawl chuah , a lai in na ah hna lai i khazuhsi , nganpiazi , cite he na cawh lai i na ciah lai . Phetphe hnah , hamhmuai , thakbarehring , khamphe, khachuanrang kha dip tein na phomh lai , Cun nganpiazi tlawmpal tein na cawh lai i na ciah ve lai .

Na phomh mi pawl kha cheu (3) ah cheu (2) cu nga paw chung ah na rawn lai i sapalin hnah in na tem lai . Ti a tlok in a thak le al na tep lai. Nga cu na ti tlok sin ah na chuan lai ,minute (10) hnu ah na leh lai , letkhat kha minute (10) na chuan than lai , Cu hnu ah na tanh tak mi kha a cung ah na paih than lai, Reite cu a pum tein na par lai i na chiah ko lai. Reite cu tuan tein na paih ahcun a kha , cucaah mei na phih hnu ah reite cawh ding a si .